معلومة عالسريع عن أحث مواقع التواصل الإجتماعي 

لو إنت واحد من مستخدمي Linkedin فلازم تعرف إنك حد مميز ومميز جداً كمان .
لأن موقع Linkedin عدد مستخدميه فـ مصر لا يتجاوز 1.75 مليون مستخدم ودا بعكس الـ Facebook إللي وصل عدد مستخدميه فـ مصر لـ 50 مليون ! .
موقع Linkedin هو أحد مواقع التواصل إللي بدأت الفترة الأخيرة يزداد عدد مستخدميها بشكل ملفت ويمكن ده من أهم الأسباب إللي خلت Microsoft تشتري الموقع ده بمبلغ 26.2 مليار دولار .
بيقولوا عنه موقع التواصل المهني لأنه مش للتعارف وتكوين الصداقات زي الفيسبوك مثلاً إللي بيعتبر من مواقع التواصل الإجتماعي الشعبية 
لكن Linkedin بيركز علي فكرة التواصل بين الشركات والمؤسسات وبين رجال الأعمال وأصحاب المهن المختلفة وطبعاً بيسهل التعاون بين الأشخاص دول ف معظم المجالات .
موقع Linkedin بيتيحلك إنك تعمل بروفايل بيكون شبيه للـ CV بتاعك بتقدر فيه تعرض كل خبراتك ومهاراتك ودا شئ بيساعدك إنك تلاقي فرص عمل ووظائف من خلال بروفايلك .
والعكس طبعاً يعني لو حد محتاج شغل كشركة أو HR بيدخل علي بروفايلك وبيعرف منه خبراتك وقدراتك إللي هو محتاجها وعلي الأساس ده يتم التواصل بينكم .
يعني لازم تعرف إن التعامل فـ Linkedin والتواصل من خلاله بيكون مهني من الدرجة الأولي .
ومن الآخر كده مدي قوة بروفايلك فـ Linkedin هو أهم عامل هيساعدك فـ الموضوع ده .
إنتظروا سلسلة بوستات عن Linkedin وعن إزاي تعمل بروفايل قوي وإزاي تستخدمه بطريقة صح وتستغله وتستفيد منه أفضل إستغلال .
لو إستفدت حاجة من المقال قول رأيك وإعمل شير عشان غيرك يستفيد وتابعونا لكل جديد .



 
Top